Depýtattar 1 jeltoqsan – Tuńǵysh prezıdent kúnin memlekettik merekeler qatarynan alyp tastaýdy usyndy. 

Norma búgin, 7 qyrkúıekte Májilis otyrysynda qaralatyn "Qazaqstan Respýblıkasynyń keıbir zańnamalyq aktilerine kınematografıa jáne mádenıet máseleleri boıynsha ózgerister men tolyqtyrýlar engizý týraly" zań jobasyna engizilgen.

Depýtattar prezıdent tapsyrmasy boıynsha "Qazaqstan Respýblıkasyndaǵy merekeler týraly" zańǵa mynadaı birqatar túzetý engizdi. 1 jeltoqsan – Tuńǵysh prezıdent kúnin merekeleýdi Memlekettik rámizder kúni, Alǵys aıtý kúni jáne qoǵamdyq mańyzy joǵary áleýeti bar ózge de kúnder sıaqty, ony memlekettik merekeler qatarynan alyp tastaý arqyly aıqyndaý usynylady.

Budan bólek, depýtattar 25 qazandy qaıtadan memlekettik mereke etip, Respýblıka kúni retinde belgileýdi usynyp otyr.