2023 jyldan bastap jumys berýshi men qyzmetker arasyndaǵy kelisim negizinde 4 kúndik jumys aptasyna kóshýge ruqsat berilmek. Eńbek jáne halyqty áleýmettik qorǵaý mınıstrliginiń jańa zań jobasy "Ashyq NQA" portalynda jarıalandy.

"Taraptardyń kelisimi boıynsha eńbek shartynda bes kúndik nemese alty kúndik jumys aptasymen kezektesý quqyǵymen tórt kúndik jumys aptasyn belgileýge jol beriledi. Otbasynyń naýqas múshesine, úsh jasqa deıingi balasy bar ata-analardyń birine, on tórt jasqa deıingi balany (on segiz jasqa deıingi múgedek balany) tárbıelep otyrǵan jalǵyzbasty analarǵa zeınetkerlik jasqa eki jyldan kem ýaqyt qalǵan ne zeınetkerlik jasqa jetken kezde taraptardyń kelisimi boıynsha birlesip jumysqa ornalasýǵa jol beriledi" delingen qujatta.

Bul rette tolyq emes jumys kestesi qyzmetkerdiń jyl saıynǵy aqyly eńbek demalysynyń uzaqtyǵy men eńbek ótiliniń eseptelýine áser etpeıdi.

Usynys  boıynsha, 4, 5 jáne 6 kúndik jumys aptasy kezinde qosymsha jumystardyń jalpy uzaqtyǵy aıyna 12, jylyna 120 saǵattan aspaýy tıis. 

4, 5 jáne 6 kúndik jumys aptasynda jeksenbi jalpy demalys kúni bolyp esepteledi.

Al 5 kúndik nemese tórt kúndik jumys aptasy kezindegi ekinshi nemese úshinshi demalys kúni ujymdyq shartpen belgilenedi.