Bir jylda qoldanystaǵy páter baǵasy 25,8 paıyzǵa, jańa turǵyn úıler quny 18,1 paıyzǵa ósken. Turǵyn úıdi jalǵa alý bir jylda 31,8 paıyzǵa artqan. Bul týraly statısıka búrosy habarlap otyr.

Búro málimetinshe, jańa úıler qymbatshylyǵy ásirese Aqtóbe qalasynda (32,5%), Nur-Sultanda (27,6%), Qostanaıda (26,3%) baıqalǵan.

Qoldanystaǵy baspana saýdasynda baǵa Qyzylorda (48,4%), Nur-Sultan (40,8%), Óskemen (39,9%), Taldyqorǵan (36,5%) qalalarynda aspandap tur.

Turǵyn úıdi jalǵa alý jóninen eń qymbat qala – Almaty. Ońtústik astanada bir jylda páterdi jalǵa alý quny 62,5% paıyzǵa kóterilgen.

Tamyz aıynda ekinshi naryqtaǵy baspana baǵasy 0,4 paıyzǵa qymbattasa, jańa naryqtaǵy úı baǵasy 0,1 paıyzǵa arzandaǵan.

Al jalǵa alý bir aıda kúrt ósip, 12,4 paıyzǵa qymbattaǵan.