Almaty qalasynyń Sybaılas jemqorlyqqa qarsy qyzmeti ekologıa salasyndaǵy sybaılas jemqorlyq táýekelderin anyqtaý boıynsha aýqymdy jumysty bastady.

Búgingi tańda ekologıa salasy megapolıstiń sybaılas jemqorlyq táýekelderiniń kartasynda kórinis tapqan jáne qala turǵyndaryn tolǵandyratyn negizgi salalardyń biri bolyp tabylady.

Qalanyń negizgi ekologıalyq máseleleri aýanyń lastanýy, qatty turmystyq qaldyqtardy kádege jaratý, kógaldandyrý máseleleri jáne oılastyrylmaǵan qurylys bolyp tabylady.

Osy olqylyqtardy joıý maqsatynda qalalyq sybaılas jemqorlyqqa qarsy kúres vedomstvosynyń bastamasy boıynsha ekologıa salasyndaǵy ýákiletti organdardyń jáne qoǵamdyq birlestikter ókilderiniń qatysýymen kóshpeli kezdesý ótkizildi.

"Sybaılas jemqorlyqqa qarsy qyzmettiń aldyńǵy qatarynda azamattardyń áleýmettik kóńil-kúıin jaqsartýǵa alyp keletin halyqtyń problemalyq máselelerin sheshý tur. Búgingi kezdesý prosesterdiń ashyq emestigi men ákimshilik kedergilerdiń bolýyna baılanysty sheshimin tappaıtyn ózekti máselelerdiń tizbesin anyqtaý jáne joıý úshin óziniń oń nátıjesin beredi dep oılaımyn",-dep Almaty qalasynyń Sybaılas jemqorlyqqa qarsy qyzmetinde atap ótildi.

Departament ókilderi atap ótkendeı, qalanyń ekologıalyq jaǵdaıyn jaqsartý boıynsha máselelerdi jedel sheshý maqsatynda jumys toby qurylyp, Telegram messendjerinde ekologıa salasyndaǵy usynystar men shaǵymdarmen almasý úshin "Almaty&Ecology" chat quryldy.

Kezdesý barysynda qatysýshylar sybaılas jemqorlyq táýekelderin odan ári iske asyrý jáne joıý úshin birqatar usynystar berdi.

 "Ókinishke oraı, Almaty qalasynda kóptegen jyldar boıy ekologıalyq jaǵdaı kúrdelenip keledi. Árbir qala turǵyny qandaı ekologıalyq jaǵdaıda ómir súretinin bilýge quqyly dep sanaımyz, óıtkeni qalanyń bolashaǵy osyǵan baılanysty. Bizdi qolaıly qorshaǵan ortaǵa degen quqyǵymyzǵa áser etetin kóptegen máseleler alańdatady. Qazirgi tańda halyq arasynda ekologıalyq sanany qalyptastyrý óte mańyzdy. Ol úshin bárimiz bul jumysty eń aldymen óz balalarymyzdy tárbıeleýden, otbasydan bastaýymyz kerek", - dep QR Prezıdenti janyndaǵy Ulttyq Quryltaı múshesi Aınur Sabıtova óz oıymen bólisti.