8 qyrkúıekte Sh.Sh.Ýálıhanov atyndaǵy tarıh jáne etnologıa ınstıtýtynda "Qazaqstandaǵy 1930-shy jyldardaǵy jappaı asharshylyq jáne qazaqtardyń shektes aýmaqtarǵa májbúrli qonys aýdarýy: zamanaýı túsiný jáne ǵylymı baǵalaý máseleleri" taqyrybyndaǵy halyqaralyq ǵylymı-tájirıbelik konferensıa ótti.

Konferensıa Qazaqstan Respýblıkasynyń Bilim jáne ǵylym mınıstrliginiń qarjylaı qoldaýymen  "HH ǵasyrdyń 30-jj. basyndaǵy jappaı asharshylyq kezeńindegi Orta Azıa respýblıkalary men Reseıdegi qazaq kóshpelileri: ornalasýy men beıimdelýi" jobasyn iske asyrý sheńberinde uıymdastyryldy.

Qashyqtyqtan ótkizilgen konferensıaǵa ǵalymdar, qoǵam qaıratkerleri, doktoranttar, magıstranttar, mekteptegi tarıh pániniń múǵalimderi men stýdent jastar qatysty. Atap ótsek, Reseı ǵylym akademıasy SB Tarıh ınstıtýtynyń dırektory Rynkov Vadım Markovıch (RF, Novosıbırsk qalasy), Qyrǵyz Respýblıkasy Syrtqy ister mınıstrligi Dıplomatıalyq akademıasynyń prorektory, t.ǵ.d, profesor Z.K. Kýrmanov (Bishkek qalasy, Qyrǵyzstan), Tashkent memlekettik pedagogıkalyq ýnıversıtetiniń álem tarıhy kafedrasynyń dosenti, t.ǵ.k. B.A. Pasılov (Tashkent qalasy, Ózbekstan), jáne Reseı Federasıasynan: Reseı Ǵylym Akademıasynyń Sibir bóliminiń Tarıh ınstıtýtynyń jetekshi ǵylymı qyzmetkeri N.N. Abjaleı (Novosıbırsk qalasy, RF), óz elimizden Memleket tarıhıhy ınstıtýty dırektory t.ǵ.d., profesor E.A. Ábil E, osy atalmysh ınstıtýttyń dırektor orynbasary t.ǵ.d., profesor B.G. Aıaǵan, Qorqyt Ata at. Qyzylorda ýnıversıtetinen s.ǵ.d., profesor Bákir Ábdijálel Qoshqaruly, Ál-Farabı at. QUÝ profesory Q.Q. Qunapına, Qyzylorda oblysynyń memlekettik arhıvinen D.A. Qaltaeva jáne Sh.Sh. Ýálıhanov atyndaǵy Tarıh jáne etnologıa ınstıtýtynan t.ǵ.d., profesor S.M. Borbosov, t.ǵ.d., profesor O.H. Muqatova, t.ǵ.d., profesor A.I. Qudaıbergenova, PhD doktor M.M. Qozybaeva jáne t.b. ǵalymdar baıandama jasady.

Almatydaǵy Sh.Sh.Ýálıhanov atyndaǵy Tarıh jáne etnologıa ınstıtýty qabyrǵasynda ótken bul konferensıaǵa Nur-Sultan, Qostanaı, Aqtóbe, Atyraý, Oral, Qyzylorda, Taraz, Aqtaý, Óskemen Oral, Shymkent qalalary al, shetelderden, Máskeý, Novosıbırsk, Tashkent, Bishkek qalalarynyń joǵary oqý oryndarynan, ǵylymı-zertteý ınstıtýttarynan, arhıv, murajaı jáne orta mektepterden qazaq bosqyndary taqyrybyna beı-jaı qaramaıtyn azamattar qatysyp, baıandamalaryn, usynystaryn  ortaǵa salyp, talqylaýdan ótkizdi. Qoryta aıtqanda konferensıany uıymdastyrýshylar osy baıandamalardy jınaq retinde shyǵady.

Baıdaly Raýan, PhD doktor, A.Baıtursynuly atyndaǵy
Qostanaı óńirlik ýnıversıteti