Qazaq tazysy joıylyp ketýdiń az-aq aldynda, búginde 100-150-ge tarta tazy ıti qalǵan. Mundaı derekti energyprom.kz saıty keltirip otyr. Basylym jeti qazynanyń biri bolyp sanalytyn janýardy kóbeıtýge bılik nazar salmaı otyrǵanyn, maqsaty ulttyq-mádenı biregeılikti saqtaý bolǵan rýhanı jańǵyrý baǵdarlamasyna tazy múlde enbegenin jazady.

Portal Qazaqstanda sanany, rýhanıatty, murany jańǵyrtý, ulttyq murany saqtaý jáne arttyrý týraly kóp aıtylǵanymen, kóp jaǵdaıda onyń bári sóz júzinde qalyp qoıatynyn atap ótken. Ony bıliktiń júıeli, túsinikti, jumys isteıtin kózqarasynyń joqtyǵymen baılanystyrady. Rýhanı jańǵyrýdy tym bolmaǵanda Qazaqstannyń osy tiri sımvolyn jańǵyrtýdan bastaǵan durys deıdi.

Basylym tazy popýlásıasyn qamtýǵa tıis bolǵan, biraq máseleni shet qaldyrǵan baǵdarlamalardy, olardyń búdjetin tizip berdi.

Biz nazar aýdarǵymyz keletin keıbir memlekettik baǵdarlamalardyń búdjetterin zerttep, tanystyrdyq.

«Ulttyq rýhanı jańǵyrý» ulttyq jobasy. 2021–2025 jj.
Qarjylandyrý kólemi 119,38 mlrd teńgeni quraıdy. Belgilengen maqsattar men kútiletin nátıjelerdiń qatarynda ulttyq-mádenı biregeılikti saqtaý, qazaqstandyq biregeılikti damytý, patrıottyq sezimdi arttyrý bar.

Qazaqstan Respýblıkasynyń týrızm ındýstrıasyn damytýdyń 2019–2025 jyldarǵa arnalǵan memlekettik baǵdarlamasy.
Qarjylandyrý kólemi 1,39 trln teńgeni quraıdy. Belgilengen maqsattar men kútiletin áserdiń ishinde týrıserdi tartý úshin marketıń pen brendıngtiń tıimdiligin atap ótýge bolady. Ańshylyq, ekologıalyq, etnografıalyq jáne agrotýrızmdi damytýdy qamtamasyz etedi. Bul jerde, mysaly, Hatıko eskertkishi Japonıadaǵy eń tanymal týrısik baǵyttardyń biri, al akıta-ıný tuqymy osy eldiń sımvoly jáne murasy ekenin eske túsirgen jón.

«Jasyl Qazaqstan» ulttyq jobasy. 2021–2025 jj.
Qarjylandyrý kólemi 1,41 trln teńgeni quraıdy. Belgilengen maqsattar men kútiletin nátıjelerdiń qatarynda janýarlardyń sırek kezdesetin jáne joıylyp bara jatqan túrleriniń sanyn kóbeıtý, tabıǵat pen janýarlar álemine qurmetpen qaraýdy qalyptastyrý, sondaı-aq halyqtyń ekologıalyq sanasyn jańǵyrtý arqyly bıologıalyq ártúrlilikti saqtaý sekildi ındıkatorlar bar.

Sondaı-aq ulttyq sport túrlerin qoldaýǵa qandaı qarajat bólingenin  dene shynyqtyrý men buqaralyq sportty damytýdyń 2020–2025 jyldarǵa arnalǵan keshendi josparynan kórýge bolady. Biraq tazymen ań aýlaý, aıtalyq, báıge nemese jyrtqysh qustarmen ań aýlaý sıaqty ulttyq sport túrlerine kirmeıdi. Aıta ketý kerek, búrkit tazymen qatar Jeti qazynanyń biri, biraq tazynyń jaǵdaıy eń qıyn.

Bul baǵdarlamalardyń barlyǵyn Ekologıa, geologıa jáne tabıǵı resýrstar mınıstrligi, Mádenıet jáne sport mınıstrligi, Aqparat jáne áleýmettik damý mınıstrligi jáne óz jumysynyń tıimdiligi týraly esep beretin basqa da vedomstvolar men vedomstvolar qadaǵalaıdy. Biraq tazy joıylýǵa shaq tur.