Syrtqy ister mınıstri Muhtar Tileýberdi Qazaqstan bitimgershilik kontıngentin Armenıaǵa jibermeıtinin málim etti, dep jazady informburo.kz 

Mınıstr Qazaqstan obektıvti derekter alǵysy keletinin, óıtkeni eki jaqtan da qarama-qaıshy málimetter kelip túsip jatqanyn jetkizdi.

"UQSHU Bas hatshysy janjal bolǵan jerge baryp, jaǵdaımen tolyq tanysqannan keıin memleket basshylaryn habardar etý kerektigi týraly sheshim qabyldandy. Ázerbaıjan men Armenıa arasyndaǵy shekara shegendelmegen, sondyqtan shekarany buzý týraly aıtý da qıyn. Qazirgi birinshi mindet – armán-ázerbaıjan shekarasyn delımıtasıalaý jáne demarkasıalaý jónindegi birlesken komısıanyń jumysyn qaıta bastaý" dedi Muhtar Tileýberdi álemdik jáne dástúrli dinder lıderleriniń VII seziaıasynda.

Sondaı-aq ol qazaqstandyq bitimgerlerdi  jiberý máselesi jaıly suraqqa da jaýap berdi.

"Joq, ázirge mundaı suraq týyndamaıdy", – dedi ol.

13 qyrkúıekke qaraǵan túni Ázerbaıjan-Armenıa shekarasynda áskerı qaqtyǵys bastalyp, eki taraptan da jaralanǵandar men qaza tapqandar bary habarlanǵan.

Armenıa men Ázerbaıjan áskerı qaqtyǵysqa qatysty ártúrli aqparat taratyp, bir-birin aıyptaǵan.