Qus eti bir jylda 27,9 paıyzǵa qymbattaǵan. Onyń ishinde taýyq eti – 25,9%, taýyqtyń san eti – 28,5%, tós eti – 29,3%, jilinshigi men jambas eti – 29,5 paıyzǵa ósken. Mundaı derekterdi Energyprom.kz portaly jarıalady.
Óńirler boıynsha, qus eti baǵasynyń eń kóp ósýi Mańǵystaý oblysynda (43,8%) tirkelgen. Aqtóbe (37,8%) jáne Pavlodar (35,2%) oblystarynda da baǵa aıtarlyqtaı ósken. Baǵanyń eń az ósýi Qaraǵandy oblysynda (15%) tirkeldi.
Tamyz aıynda dúken sóreleri men bazarlarda taýyqtyń bir kılosy orta eseppen 1,3 myń teńgeden, taýyq aıaǵynyń kılosy 1,2 myń teńgeden satylǵan.
Qańtar-shilde aralyǵynda 64,2 myń tonna salqyndatylǵan, 75,9 myń tonna muzdatylǵan qus eti óndirilgen.
Pikir qaldyrý