Mańǵystaý oblystyq polısıa departamenti "esirtki tastaýshy" delingen jasóspirimdi óz betinshe jazalaý maqsatynda aıaýsyz sabaǵan bir top jas jigitti iztep jatyr. Bul týraly Lada.kz portaly habarlady.

Polısıa málimetinshe, oqıǵa qatysýshylary anyqtalǵan, endi olar qamaýǵa alynbaq.

"Qylmystyq kodekstiń 293-baby (buzaqylyq) boıynsha sotqa deıingi tergep-tekserý bastaldy. İs oblystyq polısıa dapartamenti bastyǵynyń jeke baqylaýynda" delingen departament baspasóz qyzmeti taratqan habarlamada.

Keshe áleýmettik jelide yqtımaldy "esirtki tastaýshyny" bir top jas bala jazalap, oǵan aıaýsyz kúsh qoldanǵany kóringen vıdeo taraǵan. "Esirtki tastaýshyny" delingen jasóspirim ózin urmaýyn jalynyp suraǵanyna qaramastan, jazalaýshylar onyń sózine qulaq aspaı, aıaýsyz soqqy astyna alady.