Reseı soty Pýtınniń otstavkasyn talap etken depýtattarǵa aıyppul salyp jatyr

/image/2022/09/15/crop-6_39_490x871_qzv4gde6tr1rm1v3pno9.jpg

Reseı prezıdenti Vladımır Pýtındi otanǵa opasyzdyq jasady dep aıyptap, onyń otstavkasyn talap etken Sankt-Peterbýr mýnısıpalynyń depýtattar tobyna bıliktiń bedelin túsirdi degen aıyppen aıyppul salynyp jatyr. Bul týraly "Setevye Svobody" quqyqqorǵaý jobasy habarlady.

Sankt-Peterbergtyń Smolnınsk soty bes depýtatqa jalpy somasy 225 myń rúbl (15 qyrkúıektegi rúbl kýrsy boıynsha 1 mln 786 myń teńge) kóleminde aıyppul salǵan. Atap aıtqanda Dmıtrıı Palúgke 47 myń rúbl, Nıkıtýa Iýferevke 46 myń rúbl, Anna Kıseleva, Ivan Chebotar jáne Dmıtrıı Baltrýkovke 44 myń rúbl aıyppul salǵan.

Depýtattar sot sheshimine shaǵym túsiretinin málim etti.

7 qyrkúıekte Sankt-Peterbýrgke qarasty Smolnınskoe mýnısıpaldyq okrýginiń depýtattar keńesi Pýtındi memleketke opasyzdyq jasady dep taýyp, qyzmetinen shettetýge shaqyrǵan.

Al 12 qyrkúıek kúni Reseıdiń Máskeý, Sankt-Peterbýrg jáne Kolpıno qalasynyń 18 mýnısıpaldyq depýtaty Pýtınniń áreketi Reseı bolashaǵy men azamattaryna zıanyn tıgizetińnin aıtyp, onyń otstavkasyn talap etken.

Alaıda qalalyq deńgeıdegi depýtattardyń úndeýine memlekettik dýma esh reaksıa tanytqan joq, kerisinshe, bastamashyl depýtattardy polısıa birtindep shaqyryp jatyr.

Reseı soty Pýtınniń otstavkasyn talap etken depýtattarǵa aıyppul salyp jatyr

Qatysty tegter :

Pikir qaldyrý

Qatysty Maqalalar