Qorǵanys mınıstrligi áskerı boryshyn ótegen sarbazdar joǵary oqý ornynda tegin bilim alatynyn habarlady.
Qorǵanys mınıstrligi jańa joba arqyly jastardyń áskerge barýǵa degen yntasyn arttyrýdy maqsat etken.
"Jeke qasıetterine, úlgili tártibine jáne merzimdi áskerı qyzmetin óteý kezeńinde jaýyngerlik daıarlyqta qol jetkizgen joǵary nátıjelerine qaraı áskerı qyzmetshilerge joǵary oqý ornynyń granty esebinen tegin joǵary bilim alý múmkindigi beriletin bolady", delingen mınıstrlik habarlamasynda.
Jańa jobany Ǵylym jáne joǵary bilim mınıstrligi qoldap otyr. Budan bólek áskerge baryp kelgenderge birneshe jeńildik jasalady. Olar:
- UBT-ny esepke almaı, áńgimelesý nátıjesi boıynsha eki jyl ishinde aqyly negizde joǵary oqý ornyna túsý;
- JOO áskerı kafedrasynda tegin oqý;
- áskerı oqý oryndaryna emtıhansyz jáne UBT-syz oqýǵa túsý.
"Áskerı oqý oryndaryna emtıhansyz túsý jáne azamattyq joǵary oqý oryndarynda oqý grantyn alý kezinde áskerı qyzmetshilerdiń Otan aldyndaǵy boryshyn ótegen balalaryna da basymdyq beriledi degen jospar bar. Jobany iske asyrý úshin bilim berý salasyndaǵy zańnamaǵa ózgerister engizýdiń qajeti joq" delingen habarlamada.
