Senattyń Áleýmettik-mádenı damý jáne ǵylym komıtetiniń keńeıtilgen otyrysynda depýtattar otandyq kınematografıany, mádenıet salasyn jáne Qazaqstannyń merekelerin odan ári damytýǵa qatysty zań jobasyn talqylady. 

Jańa zań jobasy boıynsha 1 jeltoqsan – Tuńǵysh prezıdent kúni memlekettik merekeler tiziminen alynyp tastaldy.

"Zań jobasynda "Qazaqstan Respýblıkasyndaǵy merekeler týraly" Zańǵa ózgerister engizý usynylady, olar ulttyq mereke – 25 qazan Respýblıka kúni jáne memlekettik mereke – 16 jeltoqsan Táýelsizdik kúni bolyp belgilengen", delingen senattyń baspasóz habarlamasynda.

Komıtet músheleri talqylaý qorytyndysy boıynsha zań jobasyn palata otyrysynda qaraýǵa jiberý týraly sheshim qabyldady.