Qalalyq Dostyq úıinde Almaty qalasy Qazaqstan halqy Assambleıasynyń etnomádenı birlestikteri men qoǵamdyq qurylymdarynyń uıymdastyrýymen prezıdent Qasym-Jomart Toqaevtyń 1 qyrkúıekte jarıalanǵan "Ádiletti memleket. Birtutas ult. Berekeli qoǵam" joldaýyn talqylaý jáne júzege asyrý boıynsha jıyn ótti. 

2022 jylǵy 1 qyrkúıekte memleket basshysy  Parlament palatalarynyń birlesken otyrysynda sóz sóıledi. Toqaev óz úndeýinde eldiń áleýmettik-ekonomıkalyq damýyna basym nazar aýdarý kerektigin aıtty. 

Otyrys QHA hatshylyǵy, Almaty qalasy Qoǵamdyq damý basqarmasynyń "Qoǵamdyq kelisim" KMM ókilderiniń, etnomádenı birlestikterdiń basshylary men músheleriniń, QHA qoǵamdyq qurylymdary ókilderiniń (analar keńesi, "Asambleıa jastary" QB, jýrnalıser klýby,  Qazaqstan halqy Assambleıasy kafedrasy), "Almaty TV" telearnasynyń jýrnalısi men operatorynyń qatysýymen ótti. Atalǵan jıynǵa barlyǵy 30 adam qatysty. 

Jıynda Almaty qalasy QHA hatshylyǵynyń meńgerýshisi jáne etnosaralyq qatynastardy damytý bóliminiń basshysy N:A. Balǵymbaev,  Almaty qalasy Qazaqstan halqy Assambleıasy tóraǵasynyń orynbasary,  "Qazaqstandyq orys mádenıt ortalyǵy" qoǵamdyq birlestiginiń Almaty qalasyndaǵy fılıalynyń tóraǵasy V.A.Lýkashev, Almaty qalasy Qazaqstan halqy Assambleıasy tóraǵasynyń orynbasary, "Ildash" tatar gýmanıtarlyq damý ortalyǵynyń basshysy N.I. Nıazova, Almaty qalasy Qazaqstan halqy Assambleıasynyń ǵylymı-saraptamalyq toby tóraǵasynyń orynbasary, Muhtar Áýezov atyndaǵy Ádebıet jáne óner ınstıtýty Halyqaralyq baılanystar jáne álemdik ádebıet bóliminiń meńgerýshisi S.V.Ananeva, Qonaev atyndaǵy Eýrazıalyq zań akademıasynyń Qazaqstan halqy Assambleıasy kafedrasynyń meńgerýshisi, Almaty qalasyndaǵy QHA ǵylymı-saraptama tobynyń múshesi B.Z.Battalhanov,  Almaty qalasy Qazaqstan halqy assambleıasy janyndaǵy Jýrnalıser klýbynyń tóraǵasy, "Deutsche Allgemeine Zeitung"nemis respýblıkalyq gazetiniń bas redaktory O.S.Klımenko, Qazaqstan halqy Assambleıasynyń múshesi, Qazaqstan uıǵyr jastary odaǵynyń tóraǵasy R.A.Qaırıev,  "Irnyhas" Osetınsk mádenı aǵartý ortalyǵynyń tóraǵasy K.V.Mamsýrov sóz sóılep, prezıdent joldaýyn talqylaýǵa qatysty.

İs-shara barysynda qatysýshylar memleket basshysynyń Qazaqstan halqyna joldaýynda aıtylǵan basym baǵyttar jóninde pikir almasty. Otyrys qorytyndysy boıynsha Almaty qalasynyń Qazaqstan halqy Assambleıasynyń ókilderi Memleket basshysynyń bastamalaryn qoldaýǵa jáne QHA etnomádenı birlestikteri men qoǵamdyq qurylymdary músheleri arasynda túsindirý jumystaryn júrgizýge daıyn ekendikterin bildirdi.

Almaty qalasy "Qoǵamdyq kelisim" mekemesiniń baspasóz qyzmeti