Almaty qalasyndaǵy "Assambleıa jastary" RQB ókilderi Qasym-Jomart Toqaevtyń Qazaqstan halqyna joldaýyn talqylaýǵa arnalǵan dóńgelek ústel ótkizdi. Jıyn aıasynda jas qoǵam belsendileri, oqytýshylar, dárigerler, kásipkerler, etnomádenı birlestik pen jastar qanatynyń kóshbasshylary, QHA jastar quramyna kiretin stýdentter, eriktiler prezıdent joldaýynyń kóptegen baǵyttaryn iske asyrý jóninde pikir almasty.

İs-sharaǵa "Assambleıa jastary" RQB tóraǵasy, QHA keńesiniń múshesi Tımýr Jumyrbaev, Qazaqstan uıǵyr jastary odaǵynyń tóraǵasy Rýstam Qaırıev, "Assambleıa jastary" RQB Almaty qalasyndaǵy ókildiginiń tóraǵasy Anna Torosán,Qazaqstan káristeri jastar qozǵalysynyń tóraǵasy Igor Lı,"Arıana" aýǵan ortalyǵy Jastar qanatynyń tóraǵasy Omar Mýhammedsarýar,"Vaınah" sheshen-ıngýsh ortalyǵy jastarynyń ókili Islam Sagov,Almaty qalasyndaǵy joǵary oqý oryndaryndaǵy "Assambleıa jastary" ókildikteriniń tóraǵasy Ásem Satylǵanova qatysty. 

Dóńgelek ústelge qatysýshylar memleket basshysy sóz etken kóptegen taqyryptardy, mysaly, sıntetıkalyq esirtkiniń taralýyna qarsy kúrestegi eriktilerdiń úlesi, jastardy qoldaýdyń negizgi baǵyttary, balalarǵa qoldaý kórsetý, kásipkerlikti júıeli qoldaýdy túsindirý, medısınalyq qyzmetterdiń sapasyn damytý, stýdentter úshin áleýmettik jaǵdaılardy damytý máselelerin talqylady.

Dóńgelek ústel sońynda belsendiler prezıdenttiń Qazaqstan halqyna joldaýyn qoldaý maqsatynda kelesi mazmundaǵy málimdeme jasady: 

– "Assambleıa jastary" RQB Almaty qalasy boıynsha ókildigi prezıdenttiń Qazaqstan halqyna joldaýyn qoldaıdy. Qazir elde tarıhı sıpattaǵy saıası reformalar júrip jatyr. Prezıdent joldaýy elimizdiń sapaly áleýmettik-ekonomıkalyq damýyna jol ashty.Barlyq josparlanǵan ózgerister jańa, ádiletti Qazaqstan qurylysynyń qarqyndy damýyna septigin tıgizetinine senimdimiz. Joldaýda Qazaqstan qoǵamynyń ál-aýqatynyń ósýine zor áleýet beretin respýblıkamyzdyń saıası, ekonomıkalyq jáne áleýmettik júıelerine jańǵyrtýlar usynylǵan. Bizdiń elimizdiń basty qundylyǵy Qazaqstannyń turaqty bolashaǵyna strategıalyq ınvestısıasy basym adamdar bolyp tabylady. Joldaýda aıtylǵan Memleket basshysynyń bastamalarynyń tóńireginde barsha qazaqstandyqtar birigip jumys isteýi mańyzdy. 

Almaty qalasy "Qoǵamdyq kelisim" mekemesiniń baspasóz qyzmeti