Fınlándıa 30 qyrkúıekten bastap Reseımen shekarany jappaq. Bul týraly Yle jergilikti memlekettik teleradıokompanıasy habarlady.
Búgin ótken fın úkimetiniń otyrysynda qaýly qabylǵanǵan. Oǵan saı, Reseılikter endi Fınlándıaǵa týrısik sapar jasaı almaıdy. Tipti ózge elge barý úshin de fın shekarasynan óte almaıdy. Fınlándıaǵa Reseıden tek gýmanıtarlyq sebeppen ǵana kirýge ruqsat etilmek.
Fın úkimeti Reseıden aǵylǵan azamattar Fınlándıanyń Shengen kodeksine negizdelgen halyqaralyq qarym-qatynasyna nuqsan keltiredi dep sanaıdy.
Reseıdegi mobılızasıadan keıin kórshi eldermen shektesetin shekaralarynyń barlyǵynda elden shyqqysy kelgenderdiń birneshe shaqyrymǵa sozylǵan keptelisi áli seıilgen joq. Reseılikterdiń shetel asýyn toqtatý úshin túrli Kreml de shara qabyldap jatyr.
Máselen, Reseıdiń Astrahan oblysynyń Qazaqstanmen shekara beketinde mobılızasıalyq pýnkt ashylmaq. Al keshe Fınlándıamen shekaradaǵy "Torfánovka" beketinde shaqyrý pýnkti ashylǵan. Grýzıamen shekardaǵy "Verhnıı Lars" beketinde azamattar shekarany zańsyz kesip ótýge tyrysqan jaǵdaıǵa dep oq ótkizbeıtin áskerı tehnıka qoıylǵan. Soltústik Osetáda tipti elden shyǵýǵa shektep qoıyldy.
Pikir qaldyrý