«Birneshe kóliktiń áınegi shaǵylǵan, keıbiriniń rezeńkesin alyp ketken. Reseı jaqtaǵy Shaǵan-Orynbor avtoótkelinde 40-qa jýyq kólik tur. Barlyǵy derlik tonalǵan. Samara baǵytynda 10 kólik tur" deıdi júk kólikteriniń júrgizýshileri.
Maroderder kólikti bólshektep áketip jatyr. Eshkimnen shaǵym túspegendikten olardy izdep jatqan eshkim joq.
Osyǵan uqsas jaǵdaı Reseı-Grýzıa shekarasynda da bolyp otyr. Ol jaqta kólik ıeleri avtomodılderin amalsyz satyp ketken.
Búgin İshki ister mınıstri Marat Ahmetjanov 21 qyrkúıekten beri elge 200 myńǵa tarta reseılik kelip, onyń 147 myńy elden shyǵyp ketkenin habarlady. Al Sıfrlyq damý mınıstrliginiń málimetinshe, 21 qyrkúıekten beri 70 myń reseılik qazaqstandyq JSN alǵan.
