2022 jylǵy 3 qazanda Qostanaı qalasynyń №2 soty "Qaztemirtrans" AQ Qostanaı fılıalynyń dırektory B. Ýsabekov pen "Vadısa M" JSHS dırektory S. Taırovqa qatysty aıyptaý úkimin shyǵardy. Bul týraly sybaılas jemqorlyqqa qarsy qyzmet málim etti.

"Joǵaryda atalǵan tulǵalar júk vagondaryn kedergisiz jáne jedel jetkizgeni úshin para aldy, berdi dep aıyptaldy. Sot úkimimen Ýsabekovke ortasha qaýipsizdik mekemesinde 6 jylǵa bas bostandyǵynan aıyrý jazasy taǵaıyndaldy. Sol úkimmen Taırovqa para berý faktisi boıynsha paranyń jıyrma eselengen somasy mólsherinde aıyppul taǵaıyndaldy, bul 24 mln teńgeni quraıdy. Sottalǵandar ómir boıy memlekettik qyzmette qyzmet atqarý quqyǵynan aıyrylady" delingen aqparattyq habarlamada.

Úkim ázirge zańdy kúshine engen joq.