Ýkraına elshisi Petr Vrýblevskıı Qazaqstannan ketetin boldy, dep habarlady Ulysmedia.kz saıty.

Buǵan deıin Petr Vrýblevskııdiń qazaqstandyq blogerge bergen suhbaty daý týdyrǵan. Suhbat barysynda Ýkraına elshisi reseılikterdi meıilinshe kóbirek óltirýge shaqyrǵan.  

QR Syrtqy ister mınıstrliginiń resmı ókili Aıbek Smadıarov májilis kýlýarynda Ýkraınanyń syrtqy ister mınıstrligi jańa elshi taǵaıyndaý týraly ótinish jibergenin málim etti. Olardyń ótinishi qarastyrylyp jatyr. 

“Biz Marıa Zaharovanyń (RF SİM resmı ókili) sózine túsinbeýshilikpen qaraımyz. Óıtkeni onyń aıtqan sózderi Qazaqstan men Reseı arasyndaǵy seriktestik sıpattaǵy qatynastarǵa qaıshy keledi”, – dedi Aıbek Smadıarov.

Keshe Reseı dıplomatıalyq vedomstvonyń resmı ókili Marıa Zaharova Qazaqstan elshisi Ermek Kósherbaevty shaqyrtyp, Petr Vrýblevskııdiń aıyptaýlaryna qatysty resmı Astana esh áreket etpegenine narazylyq tanytqan.