Reseı prezıdenti Vladımır Pýtın aneksıalaý prosesin resmı aıaqtap, Ýkraınanyń ishinara basyp alynǵan tórt aımaǵynyń Reseıge kirýi týraly konstıtýsıalyq zańdarǵa qol qoıdy. Bul týraly VVS jazdy.

Osy zańdardyń negizinde Reseı konstıtýsıasyna Reseı Federasıasynyń sýbektileri retinde Herson jáne Zaporoje oblystary, sondaı-aq Lýgansk jáne Donesk "halyq respýblıkalary" qosylady degen ózgeris enedi.

Pýtın osy arqyly Ýkraına terıtorıasynyń 15 paıyzdan astam jerin ózine qosýdy aıaqtady. Dál osy tusta Reseı áskerleri Ýkraınanyń qarsy shabýylyn birneshe baǵytta toqtatý úshin kúresip jatyr.

Al Reseıdiń burynǵy jaqtastary anneksıalanǵan aýmaqtardyń jetekshileri qyzmetin saqtap qaldy.

Aldyńǵy kúni Federasıa Keńesi sharttardy ratıfıkasıalap, ózin-ózi jarıalaǵan DHR men LHR jáne ishinara basyp alynǵan Herson men Zaporoje oblystaryn qosý týraly konstıtýsıalyq zańdarǵa biraýyzdan daýys bergen.