Óskemendik órt sóndirýshilerdiń, oblystyq jáne qalalyq ákimdikter ókilderiniń úılesimdi jáne kásibı is-qımyldarynyń arqasynda búgin túnde 4-shi qalalyq aýrýhanada bolǵan órt tez arada sóndirildi.

6 qazan kúni túngi saǵat bir shamasynda Serikbaev kóshesindegi medısınalyq mekemede jertólede órt shyqty.

Jaǵdaıdy SHQO ákimi Danıal Ahmetov dereý jeke baqylaýǵa aldy, ol ár 15 mınýt saıyn baılanysqa shyǵyp otyrdy. Oqıǵa ornyna dereý ákimniń orynbasary Sh.Býktýgýtov, sondaı-aq qala ákimi J. Omar bardy. Jedel, dúrbeleńsiz adamdardy aýrýhanadan evakýasıalaý bastaldy.

TJ ornynda órt sóndirýshiler jedel jáne úılesimdi jumys istedi.

Qurbandar men zardap shekkender joq. Naýqastardyń eshqaısysyna qosymsha medısınalyq kómek qajet bolmady, barlyǵy bul jaǵdaıǵa túsinistikpen qarady.

Órt sóndirýge barlyǵy 15 birlik tehnıka men jeke quramnyń 45 adamy tartyldy.