Qazaqstan Halyq partıasy Astanada kezekten tys XXI sezin ótkizip, aldaǵy saılaýǵa Qasym-Jomart Toqaevtyń kandıdatýrasyna qoldaý bildirdi, dep jazady informburo.kz.  

"Qazir ishki saıası oıyndar men qarsylastardyń ýaqyty emes. Bizdiń partıa saıası kúshterdiń ishinde kezekten tys prezıdent saılaýynda Qasym-Jomart Toqaevtyń kandıdatýrasyn birinshi bolyp qoldady. Bul máselede el múddesin alǵa qoıýymyz kerek", dedi Halyq partıasynyń kóshbasshysy Ermuhamet Ertisbaev. 

Ertisbaev "Aýyl" partıasynyń kandıdaty Jıgýlı Daırabaevtyń saılaýda jeńiske jetý múmkindigine baǵa berdi. Partıa kóshbasshysy Daırabaevpen jeke tanys emes ekenin aıtty. 

"Ol saılaýda eń bolmaǵanda 5% jınaı ala ma? Men onyń eshqandaı múmkindigi joq dep oılaımyn. Tipti, 0% daýyspen Gınnester rekordy kitabyna enetin bolar. Sebebi eshkim Astana ataýyn Jıgýlı dep aýystyrǵanyn qalamaıdy", dedi Ertisbaev. 

Keıin Ertisbaev munysyn resmılikten arylyp, sıez qatysýshylaryn sergitý úshin ázildep aıtqanyn jetkizdi.