Asa iri kólemde aqsha jymdyrdy dep yıyptalǵan eks-prezıdent Nursultan Nazarbaevtyń nemere-inisi Qaırat Satybaldy jazasyn Shyǵys Qazaqstan oblysynda ornalasqan kolonıada óteıtin boldy. Úkim jarıalanǵannan keıin 15 kún ishinde sottalýshy nemese onyń qorǵaýshylary sot sheshimine shaǵymdanbasa, ol Shyǵys Qazaqstanda ornalasqan OV-156/20 kolonıasyna aýystyrylady, dep habarlady QR İİM TJK baspasóz qyzmeti. 

"Bul – arnaýly jáne quqyq qorǵaý organdarynyń burynǵy qyzmetkerlerine arnalǵan OV-156/20 qylmystyq-atqarý júıesiniń ortasha qaýipsizdiktegi mekemesi", – dep habarlady QR İİM TJK baspasóz qyzmeti.

Vedomstvanyń málimetinshe, Qaırat Satybaldy aýystyrylǵanǵa deıin Astanadaǵy tergeý ızolátorynda bolady. Sottalǵan adam apelásıalyq shaǵym túsirse, ol ony qaraý merzimine deıin tergeý ızolátorynda qalady. 

Qaırat Satybaldyǵa qatysty sot úkimi 26 qyrkúıekte shyqqan. Ol kánásin moıyndap, keltirilgen zalaldy memleketke qaıtarý arqyly anaǵurlym "jumsaq" sot úkimine – sottaý merzimin jartysyn deıin qysqartýǵa qol jetkizgen.

Sot sheshimine saı, onyń dúnıe-múlki tárkilenip, 10 jylǵa memlekettik qurylymda qyzmet etýge tyıym salyndy. Jazasyn qaýipsizdigi ortasha mekemede óteıdi.

Ulttyq qaýipsizdik organynyń general-maıor sheninen, "Qurmet", "Parasat" ordenderinen aıyrylady.

2022 jylǵy 13 naýryzdan sot úkimi shyqqanǵa deıingi qamaýda otyrǵan merzimniń ár kúni jaza óteýdiń bir jarym kúnine teńestiriledi. Demek Satybaldy ózine kesilgen 6 jyldyń 9 aıyp ótep tastady degen sóz.