Ortalyq saılaý komısıasy Haırýlla Ǵabjalılov, Talǵat Ergalıev jáne Fatıma Bızaqovany prezıdenttikke kandıdat retinde tirkeýden bas tartty.
Komısıa bas tartýǵa atalǵan tulǵalardyń memlekettik qyzmette mindetti eńbek ótiliniń joqtyǵy negiz bolǵanyn habarlady.
Haırýlla Ǵabjalılovty "Asar" respýblıkalyq qoǵamdyq birlestigi, Talǵat Ergalıevti Qazaqstan qurylysshylar odaǵy, Fatıma Bızaqovany "Tájirıbelik psıhologıa" respýblıkalyq qoǵamdyq birlestigi usynǵan.
Sondaı-aq ortalyq saılaý komısıasy Nurjan Áltaevtiń prezıdenttikke kandıdat atanýǵa sáıkestigin belgileý rásimin toqtatty. Oǵan Astana qalasy Baıqońyr aýdany soty Áltaevti usynǵan "Muqalmas" birlestiginiń Áltaevti kandıdat retinde usyný týraly hattamasynyń qoldanylýyn toqtatqany negiz bolǵan.
Pikir qaldyrý