4 qazandaǵy jaǵdaı boıynsha, áleýmettik mańyzy bar azyq-túlik taýarlary bir apta ishinde 0,1 paıyzǵa, jyl basynan beri 19,6 paıyzǵa, bir jylda 19,7 paıyzǵa qymbattaǵan. Bul týraly energyprom.kz portaly málim etti.

Apta ishinde jumyrtqa 1,2%, kúrish, kúnbaǵys maıy jáne pasterlengen sút 0,4% qymbattaǵan.

Jyldyq dınamıka boıynsha qant baǵasy birden 79,3%, rojkı 30,2%, qaraqumyq 27,8%, kúrish 23,7%, taýyq eti 23,6%, bıdaı uny 22,7%, sary maı 19,8%, pasterlengen sút 19,4%, tuz 18,9%, aıran 16,6%, kúnbaǵys maıynyń baǵasy 16,1%-ǵa kóterilgen.

İri qalalar turǵysynda áleýmettik mańyzy bar taýarlar baǵasynyń apta saıynǵy eń joǵary ósimi Jezqazǵan (0,9%), Qostanaı (0,4%), sondaı-aq Almaty, Atyraý jáne Taraz (0,2%) qalalarynda baıqalǵan. Jyldyq dınamıka boıynsha azyq-túlik baǵasy Jezqazǵanda birden 24,7%, Oralda 21,9%, Almatyda 21,7%-ǵa ósken.