Qoǵam belsendisi, saıasatker Muhtar Taıjan opozısıa atynan prezıdenttikke kandıdat usynylmaýyna opozısıa emes, azamattyq qoǵamǵa zańdyq kedergilermen barynsha bóget bolatyn avtorıtar júıe kináli degen pikirde.
"Opozısıa biryńǵaı úmitkerdi usynýǵa jaramady dep jatqandarǵa jaýap" degen atpen Facebook-tegi paraqshasynajazba jarıalaǵan ol qoǵam suraqty bılikke qoıýy kerek dep sanaıdy.
"Inga Imanbaı men Jasaral Qýanyshalın Sizder úshin opozısıalyq saıasatkerler emes pe? Olar óz kandıdatýralaryn usyndy, bılik olardy tirkedi me? Joq. Bizde prezıdenttik saılaýyna qatysý úshin adam mindetti túrde memlekettik qyzmette kemi 5 jyl jumys atqarý kerek! Oǵan qosa óz ózin usyna almaıdy, tek qana kemi 9 fılıaly bar Respýblıkalyq qoǵam uıymy ǵana usyna alady. Opozısıalyq saıasatkerdi usynýǵa bundaı uıymdy kórip otyrsyzdar ma? Mysaly, Jasaral Qýanyshalın taba almady. Barlyǵy qorqyp bastaryn tartty. Al, usyndy deıik, keıin 10 kún ishinde 120 myń adamnyń qolyn jınaý kereksiń, bir qalanyń ishinde emes, Qazaqstannyń 2/3 regıondarda. Ol múmkin be? Joq álbette. Qazaq tilinen komısıasyn aıtpaı-aq qoıaıyn: ony Ǵanı Qasymov ótedi, al Ýálıhan Qaısarov ótpeıdi. Bul sharttar Konstıtýsıaǵa saı emes, basqa elderde birde bir kún mem qyzmette istemegen Zelenskıı men Tramp saılaýǵa qatysa alady, al bizde tek qana sheneýnikterge jol bar. Sol úshin bul jerde opozısıaǵa emes, bılikke aıyp aıtyńyzdar" deıdi saıasatker.
Muhtar Taıjan elde opozısıalyq partıa joq ekenin, onyń joq bolýyna da bılik kináli ekenin aıtady.
"Sońǵy 15 jylda birde bir partıa tirkelgen joq. Bul túrimen tirkelmeıdi de. Sol úshin bul jerde azamattyq qoǵamda esh kinási joq, bar kiná – avtorıtarlyq júıede ǵana" deıdi ol.
Pikir qaldyrý