Túrkistan oblysynyń sharýalary oblys ákimi Darhan Satybaldymen kezdese almaǵan soń erekshe perfomans jasady.
Jelide taraǵan vıdeodan er adam bir top sharýaǵa ákim han sekildi boldy, onyń shyǵýyn hanǵa dat aıtqandaı, tizerlep suraıyq degen sarynda aıtyp jatqanyn kórýge bolady. Artynsha sharýalar bir kisideı tizerlep "O, han ıem" dep daýystaı bastaıdy. Vıdeo osy jerden úziledi.
Jergilikti Otyrar.kz basylymynyń aqparatyna qaraǵanda jınalǵandarǵa ákim báribir shyqpaǵan. Tek ákim orynbasary men basqarma basshylary túsindirý sharalaryn júrgizgen.
Basylym Túrkistan oblysy ákiminiń baspasóz qyzmeti habarlamasyna súıenip, vıdeodaǵy shaǵymdanýshylar Shardara, Tóle bı, Jetisaı, Maqtaaral, Ordabasy aýdandarynyń sharýalary ekenin habarlady. Olar oblys basshysyna ákim maqta baǵasyn tutaqtandyrýǵa yqpal etse degen tilekpen kelgen.
Baspasóz qyzmeti ákim sharýalarmen 21 qyrkúıekte kezdeskenin, oblystaǵy 209 maqta qabyldaý pýnkti men 22 maqta óńdeýshi zaýyt jekemenshik bolǵandyqtan, olardy ónimdi satyp alýǵa májbúrleı almaıtynyn jetkizgen. Máseleni sheshý úshin, jergilikti ákimdik aýyl sharýashylyǵy mınıstrligine maqta óndirisi úshin sýbsıdıa bólýge usynys joldadyq dep otyr.
Sharýalardy tolǵandyratyn taǵy bir másele – jer daýyna baılanysty ákimdik jurtshylyqty másele jeke qojalyqtar arasynda sot deńgeıinde qaralyp jatqandyqtan, jergilikti atqarýshy bılik zań boıynsha sot isine aralasa almaıdy dep shyǵaryp salǵan.
Pikir qaldyrý