Búgin tańerteń áldekimder Elmedia medıa resýrsynyń redaksıasy ornalasqan bıznes-sentr esiginiń áınegin shaǵyp, kire-beriske "Elmedia. Kz News" dep jazyp ketken. Bul týraly medıa joba telegram kanalynda habarlady.
Redaksıa bul áreketti qatardaǵy buzaqylyq emes, jýrnalıserge baǵyttalǵan agressıvti eskertý dep sanaıdy.
"Bul – shabýyl ekeni sózsiz. Buny BAQ-qa jasalyp jatqan ózge da shabýyldarmen qatar qaraý kerek. Jýyrda ǵana áldekimder "Orda.KZ" portaly redaksıasynyń esigine basylym bas redaktory Gúlnár Bajkenovanyń esimi jazylǵan shoshqanyń basyn tastap ketken edi. Telefon terorızmi, ashyq qoqan-loqy jasaýǵa ózge de táýelsiz jýrnalıser ushyrap júr. Elmedia jobasynyń jetekshisi Gúljan Erǵalıevaǵa qarsy shabýyl jasalyp kele jatqanyna eki aıdan asty. Endi ashyq "sálemdeme" alyp otyrmyz" degen jýrnalıser shabýyldar redaksıanyń durys baǵytta kele jatqanyn kórsetedi degen pikirde.
Ádil sóz baspasózdi qorǵaý qory Elmedia saıty men bas redaktor Gúljan Erǵalıevanyń jeke telefony buǵan deıin DDoS shabýylyna ushyraǵanyn habarlady. Odan bólek Erǵalıevanyń telefony ıntım qyzmet usynatyn saıttarda jarıalanyp, izinshe kelip túsken sansyz qońyraýlar jýrnalıske jumys isteýine mursha bermegen.
