Basylymdar tek rastalǵan jaǵdaılardy ǵana sanap jatqanyn eskertti. Zertteýshiler Reseıdiń ár aımaǵynda jańa paıda bolyp jatqan zırattarǵa qaraǵanda shynaıy sıfrlar anyqtalǵannan 40-60 paıyzǵa kóp, sáıkesinshe, Reseı armıasynyń shyǵyna shamamen 15 myń adamǵa jetýi múmkin ekenin aıtyp otyr.

Áskerı-teńiz analızi ortalyǵynyń sarapshysy Maıkl Kofman Ýkraınada qaza tapqan ár adamǵa 3,5 jaraly adamnan aınalatynyn atap ótip, qaıtys bolǵan, jaraqatyna baılanysty urysqa qatysa almaıtyn, habar-osharsyz ketken Reseı áskeriniń sany 53 myńǵa jýyqtaıdy dep baǵalaıdy.

Osy aptada Reseı bıligi Ýkraına jerindegi mobılızasıalanǵan azamattardyń qazasy týraly alǵash ret aqparat taratty. Ashyq derekkózge qaraǵanda mobılızasıalanǵan 11 adam qaza tapqan. Olardyń deni áskerı komısarıatqa 25-28 qyrkúıekte baryp, ary ketse 10 kún áskerı daıarlyqtan ótken.

"Mundaı qysqa merzim áskerı qımyldarda tájirıbesi bar adam úshin de daǵdylardy eske túsirýge jetpeıdi" deıdi VVS sarapshylar sózin keltirip.