Qazgıdromet 18-20 qazan kúnderine arnalǵan aýa raıy boljamyn habarlap, alty oblysta daýyldy eskertý jarıalanǵanyn málim etti. 

Sınoptıkterdiń sózinshe, aldaǵy kúnderi respýblıkanyń basym bóliginde, eldiń ońtústik-shyǵysyndaǵy taýly aýdandarda jańbyr jaýady, túngi ýaqytta Qazaqstannyń soltústik jartysynda jaýyn-shashyn jańbyr men qar túrinde túsýi múmkin. Qazaqstan boıynsha jel kúsheıip, batysta, shyǵysta, eldiń ońtústik jáne ońtústik-shyǵysyndaǵy taýly aýdandarda tuman túsýi yqtımal.

Batys Qazaqstan, Aqtóbe, Pavlodar oblysynda tuman túsip, Túrkistan, Soltústik Qazaqstan jáne Jetisý oblysynda soltústik-batystan jel soǵyp, ekpini sekýndyna 15-20 metrge jetedi.

Aýa temperatýrasy:

– batysta, soltústik-batysta túnde +3-ten +8-ge deıin, kúndiz +10-nan +20-ǵa deıin;

– soltústikte túnde +2-den +7 gradýsqa deıin, kúndiz +7-den +12-ge deıin;

– eldiń ortalyǵynda 3-8 gradýs aralyǵynda jyly, kúndiz 5-19 gradýs jyly;

– shyǵysta túnde 5 gradýsqa deıin salqyndaýy múmkin, kúndiz negizgi fon 5-13 gradýs jyly bolady;

– ońtústikte túnde 2-7 nólden joǵary, kúndiz 10-20 jyly;

– ońtústik-shyǵysta túnde -5 gradýs sýyq, kúndiz +5+15 gradýs jyly.