Sonymen, Qytaı komýnıstik partıasynyń XX sezi bastaldy, kúmán joq, bul kórshimizdiń saıası ómirindegi eleýli oqıǵa... Dástúr boıynsha, QKP OK-niń Bas hatshysy Sı Szınpın OK atynan ótken bes jyldaǵy jumystan esep berdi...
Qol jetken nátıjelerdi qorytyndylap, aldaǵy bes jyldyń mejesin aıqyndady. Jalpy, ult jáne din saıasaty ózgerissiz qalady – Birtutas qytaı ultyn qalyptastyrý jáne dinderdi qytaılandyrý men sosıalısik qoǵamǵa beıimdeý jalǵasady, memlekettiń azamattar ómirine aralasýy údeı túsedi – qoǵam múshelerine komýnıstik etıkalyq tárbıe kúsheıtiledi, Halyq turmysy jaqsartylady – jumyspen qamtý basym baǵytqa aınalady (elde jumyssyzdyqtyń óskenin janama túrde moıyndady).
Taıvan máselesine baılanysty qarý qoldanýdan bas tartpaıtynyn qaıtalaı málimdedi, bul Sı-diń burynnan beri aıtyp kele jatqan ustanymy, degenmen, osynsha bıik minberden, partıa sezinde aıtylýy, men úshin kútpegen jańalyq boldy, aldaǵy bes jylda Taıvan buǵazyndaǵy jaǵdaı onan saıyn ýshyǵýy múmkin.
Partıanyń armıaǵa bıligi kúsheıedi, osy maqsatta armıany qudirettendirý boıynsha nusqaýlar aıtylyp, soǵysqa saqadaı saı bolý jóninde tapsyrma berildi.
Aıtpaqshy, jemqorlyqpen kúreste basym jeńiske qol jetkenin atap ótken Sı Qytaıdyń tarıhı sıkiline jol bermeýdiń ekinshi tásilin tapqanyn aýyzǵa aldy. Alǵashqy tásildi, árıne, Mao Szedýn tapqan dep sanalady, osy jerde Sı-diń ózin ekinshi Mao retinde kórsetkisi keletini anyq baıqaldy.
Sı-diń bıligi taǵy da bes jylǵa jalǵasatyny belgili boldy, partıa jarǵysyna taǵy da ózgetý engizilmek. Degenmen, sıeziń dál qarsańynda Beıjińde Sı-diń bılikten ketýin talap etip, kórnekti kópirlerdiń birine plakat ilinýi saıası kúresterdiń ýshyǵa túsetinin, halyq narazylyǵynyń aıaq astynan burq ete túsýi múmkin ekenin kórsetti.
Erlan Mazan
Xinjiang únıversıtetiniń túlegi
facebook paraqshasynan
