Reseıdiń Eısk qalasynda bolǵan ushaq apatynan qaza tapqandar sany 13, jaralanǵandar 19 adamǵa jetti, dep habarlady eldiń densaýlyq saqtaý mınıstrligi.
Qaza tapqandardyń denesi apat ornyndaǵy qırandy astynan tabylǵan. 68 adam qutqarylyp, 360 adam evakýasıalanǵan.
Keshe Reseıdiń Krasnodar aımaǵy Eısk qalasynda bombalaýshy Sý-34 ushaǵy apatqa ushyrap, toǵyz qabatty úıge qulaǵan. Ushqysh katapýlt arqyly sekirip úlgergen. Apat ornynda kemi 4 qabatty sharpyǵan órt bolǵan.
Áskerı vedomstvo ushaq áýege jattyǵý oryndaý maqsatynda kóterilgenin habarlady.
VVS málimetinshe, Sý-34 Sý-27 úlgisiniń jańartylǵan nusqasy, 2014 jyldan beri qoldanylyp kele jatqan reseılik bombalaýshy ushaqtardyń negizgileriniń biri. Attalǵan ushaq Ýkraınadaǵy soǵysta da qoldanylyp jatyr.
Pikir qaldyrý