Estonıanyń zań shyǵarýshy organy Rııgıkogý Reseıdegi rejımdi lańkestik, al Reseıdiń ózin lańkesterdiń demeýshi eli dep tanýǵa shaqyrdy.
Rııgıkogýdyń 85 depýtaty Reseı basqynshylyǵy men Ýkraına aýmaǵyn anneksıalap alǵanyn aıyptap, málimdeme jasady.
"Rııgıkogý Ýkraına Joǵarǵy Radasynyń memleketter men halyqaralyq uıymdarǵa joldaǵan úndeýin qoldaı otyryp, Reseıdegi rejımdi lańkestik rejım, al Reseı Federasıasyn lańkestikti qoldaıtyn memleket dep jarıalaıdy. Reseı áreketine birlese qarsy shara jasaý kerek" delingen organ saıtyndaǵy málimdemede.
Estonıa parlamenti sondaı-aq Reseıdi BUU Qaýipsizdik keńesiniń turaqty múshesi statýsynan aıyrý talabyna qoldaý bildirip, Eýro Odaqty Reseı men Belarýske qosymsha sanksıa salýǵa shaqyrdy.
Pikir qaldyrý