10 qazannan beri Reseıdiń áýe shabýyldary Ýkraınadaǵy elektr stansıalarynyń 30 paıyzyn qıratyp, eldegi elektr qýatynyń úzilýine sebep bolǵan. Bul týraly Ýkraına prezıdenti Vladımır Zelenskıı habarlady.  

"Pýtınmen kelissóz júrgizý múmkindigi qalmady" degen Zelenskıı Reseı bir aptadan beri Ýkraınadaǵy energetıkalyq nysandarǵa shabýyl jasap kele jatqanyn aıtty.

Eń aýqymdy shabýyl 10 qazanda bolǵan. Reseılik áskerıler Ýkraınanyń iri qalalary men oblys ortalyqtaryna kem degende júzge jýyq shabýyl jasaǵan. 

Keshe Reuters áýe shabýyldarynyń kesirinen Zaporoje atom elektr stansıasynyń jumysyn qamtamasyz etetin jalǵyz elektr qosalqy stansıasyna zaqym kelgenin habarlady. Ýkraınalyq "Energoatom" AES apattyq generatorlardan qýat alýǵa kóshkenin rastady.