Opozısıanyń beldi ókili bolǵan, ondaǵan jyl shetelde turyp, jýyrda elge oralǵan memleket jáne qoǵam qaıratkeri, Semeı, Pavlodar oblystarynyń burynǵy ákimi, "Qazaqstannyń demokratıalyq tańdaýy" qoǵamdyq qozǵalysyn qurýshylardyń biri Ǵalymjan Jaqıanov Qazaqstanda opozısıa nege sátsizdikke ushyraǵanyn aıtyp berdi.

1) 2001-2002 jyldary munaı baǵasy ósýine baılanysty búdjetke túsetin aqsha artyp, eldiń ekonomıkasy kóterildi. Sáıkesinshe, úkimetke saıasatyn júrgizý ońaıyraq bola bastady.

2) 2011 jylǵy 11 qyrkúıekte bolǵan Amerıkadaǵy teraktten keıin AQSH syrtqy saıasatyn, ásirese Ortalyq Azıaǵa qatysty saıasatyn kúrt ózgertti. 90 jyldary osynda Amerıkanyń demokratıalyq ınstıtýttary, olardyń ókilderi kóptegen aǵartýshylyq jumys júrgizip, demokratıa aldyńǵy orynǵa shyǵýy kerek degen ıdeıany ilgeriletetin. Úkimetke demokratıany ornatý boıynsha talaptar qoıyp, saılaýdy qatań baqylaıtyn. Teraktten keıin tártip pen qaýipsizdikti aldyńǵy orynǵa qoıyp, demokratıany damytýǵa baǵyttalǵan sharalar keıinge ysyryla berdi. 

3) Kórshi Reseı bıligindegi ózgerister. Demokrat Elsınniń ornyna, "chekıs" Pýtın kelip, avtorıtarızmdi ornatyp, sóz erkindigin shekteı bastady. Bunyń saldary bizge de áser etti.

4) Opozısıalyq saıasatkerlerdi óltirdi, atty. Jýrnalıserdi qýdalap, táýelsiz medıany jaba bastady. Sonyń saldarynan 2006 jyldan beri qaraı opozısıanyń qolynda tabysty, mardymdy jumys isteýge múmkindik bolmaı qaldy.

Derekkóz: Dope soz youtube jobasy