Almaty oblysynyń prokýratýrasy 305 memlekettik qyzmetker 507 mln teńgeni qumar oıynyna jumsaǵanyn anyqtady. Tergeý qujattaryn jýrnalıs Mıhaıl Kozachkov óziniń Telegram kanalyna jarıalady. 

Qujatta prokýrorlar oıynhanalar men oıyn avtomattarynyń qyzmetin tekserý barysynda qumar oıynǵa aqsha tigip júrgen 305 sheneýnikti anyqtaǵany aıtylady.

"Memlekettik mekeme qyzmetkerleriniń qumar oıynǵa jumsaǵan qarajaty:

• QR Ishki ister mınıstrligi – 97 mln;
• QR Qorǵanys mınıstrligi – 95 mln;
• QR Qarjy mınıstrligi – 25 mln;
• Jergilikti atqarýshy organdar – 36 mln;
• QR Qarjy monıtorıńi agenttigi – 15 mln;
• QR Joǵarǵy Soty – 7 mln;
• QR Sybaılas jemqorlyqqa qarsy is-qımyl agenttigi – 3 mln;
• Basqa memlekettik organdar – 27 mln", - dep kórsetilgen qujatta. 

Almaty oblysy prokýratýrasynyń baspasóz qyzmeti qujattaǵy aqparattardy rastady. 

"Iá, rastaımyz. Biz tizimdi barlyq memlekettik organdarǵa shara qoldanýǵa jiberdik", - dedi prokýratýra ókilderi.