El birneshe sheteldegi elshiliginde kadrlyq aýys-túıis boldy. 

Prezıdent jarlyǵymen:

Álibek Ásetuly Baqaev Qazaqstannyń Aýstrıadaǵy tótenshe jáne ókiletti elshisi, Qazaqstannyń Vena qalasyndaǵy halyqaralyq uıymdar janyndaǵy turaqty ókili bolyp taǵaıyndaldy. Ol Qazaqstannyń Shveısarıa Konfederasıasyndaǵy tótenshe jáne ókiletti elshisi, Qazaqstannyń Lıhtenshteın knázdigindegi, Vatıkan memleketindegi, Qasıetti Ierýsalım Ioannyń, Rodos jáne Maltanyń egemendi áskerı gospıtálerleri ordeniniń janyndaǵy tótenshe jáne ókiletti elshisi qyzmetin qosa atqarýshy laýazymdarynan bosatyldy. 

Qaırat Asanıazuly Sarjanov Qazaqstannyń Shveısarıa Konfederasıasyndaǵy tótenshe jáne ókiletti elshisi laýazymyna taǵaıyndaldy. 

Asqar Seıdahmetuly Qazaqstannyń Sıngapýrdaǵy tótenshe jáne ókiletti elshisi laýazymyna taǵaıyndaldy.

Arken Keńesbekuly Qazaqstannyń Sıngapýr Respýblıkasyndaǵy tótenshe jáne ókiletti elshisi, Qazaqstannyń Jańa Zelandıadaǵy tótenshe jáne ókiletti elshisi, Qazaqstannyń Aýstralıa Odaǵyndaǵy tótenshe jáne ókiletti elshisi qyzmetterin qosa atqarýshy laýazymdarynan bosatyldy.