Shekarada adam tonap, aqsha bopsalaǵan qaýipti qylmystyq top ustaldy, dep habarlady UQK baspasóz qyzmeti. 

UQK málimtinshe, 2022 jylǵy 11 qazanda Almaty, Aqtaý, Mańǵystaý oblysynyń Beıneý jáne Aqjigit kentinde qoǵamǵa qaýipti "Beıneýlikter" qylmystyq tobynyń zańǵa qaıshy áreketiniń jolyn kesý boıynsha arnaıy operasıa iske asyrylǵan.

"Top músheleri "Tájen" ótkizý pýnktinde (Qazaqstan men Ózbekstan arasyndaǵy Memlekettik shekara) sheteldikter men jeke tasymaldaýshylardan júıeli túrde aqsha bopsalady jáne ózge de aýyr qylmystarǵa qatysy bar degen kúdikke ilingen", dep habarlady UQK. 

Arnaıy operasıa barysynda qylmystyq top basshysy men 5 belsendi múshesi ustalǵan. Olarǵa qatysty qamaýda ustaý bultartpaý sharasy bekitilgen.