Kóktem týa aýyl-aımaqtarda bastalǵan «Mereıli otbasy» baıqaýy kúni keshe Astanada máresine jetti. Elimizdiń barlyq óńirinen bıylǵy baıqaýǵa qatysýǵa 2 myńnan astam otbasy nıet bildiripti. Bul týraly Qamshy portaly Aıqyn-Aqparatqa silteme jasap habarlaıdy.

Solardyń arasynan sýyrylyp shyqqan 16 otbasy ótken senbi kúni Astanada bas qosty. 

On altynyń ishindegi eń úzdik áýletti anyqtaý úshin 2-11 qyrkúıek aralyǵynda sms jáne ınternet arqyly daýys berý ótken-di. «Qazaqstan» ortalyq konsert zalynda ótken «Mereıli otbasy» Ulttyq baıqaý jeńimpazyn anyqtaý saltanatynda halyqtyq daýys berýdiń nátıjesi jarıa etildi. Sonymen, bıyl mańǵystaýlyq Qulsarıevtar áýleti jeńimpaz atandy. 

...Qazaqstanda qyrkúıektiń ekin­shi jeksenbisinde atalyp ótetin «Otbasy kúni» meıramyna oraı byl­tyrdan beri ótkizile bastaǵan baı­qaýdyń basty uıymdastyrý­shy­sy Prezıdenttiń ózi deýge bolady. Byltyr alǵash ret uıymdasty­ryl­ǵan baıqaýǵa Memleket basshysy­nyń ózi kelip, jeńimpaz áýlettiń ıe­sine shaǵyn avtobýstyń kiltin tap­syrǵany este. Al bıyl jeńimpaz áý­letterge arnaıy quttyqtaý hat jol­dady. Prezıdenttiń baıqaý jeńim­pazdaryna  joldaǵan sálemin Memlekettik hatshy Gúlshara Áb­diqa­lyqova oqyp berdi.
«Búgingi mereıli kúnde árbir qa­zaqstandyq otbasyna qajyrly eń­bek, taǵylymdy tárbıe, izgi dás­túrler sabaqtastyǵyn laıyqty jal­ǵastyryp kele jatqany úshin zor rızashylyǵymdy bildiremin. Be­rik otbasylyq qundylyqtar ar­qy­ly ǵana memlekettiń irgesi my­ǵym, ǵumyry máńgi bolady» de­lin­gen quttyqtaýdan soń elimizdiń 14 ob­lysy men Astana, Al­ma­ty qa­la­larynda ótken baıqaýda jeńimpaz atanǵan 16 otbasyǵa syı-sıapat ta­bys etildi. 
Gúlshara Naýshaqyzy 16 otba­sy­nyń barlyǵyn sahnaǵa shaqy­ryp, Prezıdent janyndaǵy Áıelder isteri jáne otbasylyq-demogra­fıa­lyq saıasat jónindegi ulttyq ko­mısıanyń baıqaý dıplomymen, son­daı-aq LG-elektronıks kom­pa­nıasynyń sońǵy úlgidegi tele­dı­da­ryn tartý etti. On alty otbasynyń osaly joq, olardyń qaı-qaısysy da úzdik atanýǵa laıyq áýletter.

Sondyqtan biz búgin olardyń esimin tasqa jazýdy jón kórdik. Sonymen, Astana qalasynan Eleýsinovter, Almaty qala­sy­nan Álıaqparovtar, Aqmola oblysynan Kákenovter, Aqtóbe oblysynan Kofler, Almaty oblysynan Ospanovtar, Atyraý oblysynan Qanatbaevtar, Batys Qazaq­-stan oblysynan Kenjebaevtar, Jambyl oblysynan Moldabaevtar, Qaraǵandy ob­lysynan Mýsınder, Qyzylorda oblysy­nan Aıymbetovter, Qostanaı oblysynan Tólegenovter, Mańǵystaý oblysynan Qul­sarıevter, Soltústik Qazaqstan oblysy­-nan Mámbetovter, Ońtústik Qazaqstan ob­lysynan Qýatbekovter, Pavlodar obly­-
synan Ámirenovter, Shyǵys Qazaqstan ob­lysynan Sosnovskııler elimizdegi otbasy ınstıtýtynyń damýyna úles qosyp júr dep uıalmaı aıta alamyz. Sebebi olar úshin shy­naıy otansúıgishtik, joǵary rýhanı-adam­­gershilik qasıet, bilimge degen qush­tar­lyq pen eńbekqorlyq eń basty qundy­lyq sa­nalady. Bizdiń baıqaǵanymyz, bu­lardyń basym bóligi aýyldan shyqqan, arasynda pedagogtar, ǵalymdar, shahterler, munaı­shylar, kenshiler, temirjolshylar, má­de­nıet jáne agroónerkásip salasynyń qyz­metkerleri, týǵan aýylynyń damýyna zor úles qosyp júrgen kásipker áýletter de bar. Qaraısyń da, qyzyǵasyń. Búgingi álemdi búlinýden, adamzatty rýhanı ke­deılený-
den saqtap turǵan osy jandar ekenin mo­ıyndaısyń. Sol sebepti de biz úshin olar­­dyń barlyǵy da úzdikter. De­gen­men, baıqaý shartyna saı tek bir áýlet qana bas júlde­-
ge ıe bolýy tıis. Bıyl bul baqyt onlaın júıesi arqyly berilgen 78 myńǵa tarta daýystyń 25 myńnan astamyna ıe bolǵan Qulsarıevter áýletine buıyrdy. Mem­le­kettik hatshy Gúlshara Ábdiqalyqova – Qul­sarıevter áýletiniń úlkeni Oryn aqsa­qal-
ǵa Qazaqstanda shyǵarylǵan «IVECO» shaǵyn avtobýsynyń kiltin tabys etti. 
Jeńimpaz áýlettiń ıesi Oryn ataı men Qundyz ájeı – búginderi 12 baladan 46 ne­mere, 43 shóbere súıip otyrǵan baqytty shańyraq ıeleri. Qulsarıevter áýletin mańǵystaýlyqtar tegis tanıdy, endi res­pýblıka jurty biletin boldy. Óıtkeni, bul áýlet el arasynda «Mańǵystaý marjandary» ansambli retinde keńinen tanymal. An­sam­bldiń negizin qalaǵan Oryn aqsaqaldyń 
77 jasynda ınstıtýtqa túsip, joǵary bilim alǵany da aıtyp júrer áńgime dersiz. Oryn ataıdyń ómirbaıanyndaǵy eleń etkizer de­rekter munymen bitpeıdi. 1986 jyly Al­jırde ótken H Halyqaralyq festıválde dıplomant atanǵan. Búginderi 84 jasynda halyq orkestrin basqaryp otyrǵan otaǵasy «Qurmet» ordenimen marapattalǵan, Mań­ǵystaý oblysynyń qurmetti azamaty, «Aǵa dombyrashy» qurmetti ataǵy taǵy bar. 
 Qundyz ájeımen 65 jyldan beri tatý-tátti ǵumyr keship kele jatqan aqsaqal áli de shıraq. Marapattaý rásiminen soń bala-shaǵasyn jınap alyp, quttyqtaýshylar al­dynda dombyra tartyp, án shyrqap ber­geni bárimizdi tánti etti. Búgingi tańda áke­leriniń óner jolyn úsh qyzy jalǵastyryp júr, al tórt balasy munaı-gaz salasynda jumys isteıdi, qalǵandary – bilim berý, densaýlyq saqtaý, qurylys, qarjy sala­la­rynda qyzmette. 
Eldiń bári Oryn aqsaqaldy aınaldy­ryp turǵanda, biz Qundyz ájeıdi sózge tar­typ, bir shańyraq astynda 65 jyl tatý-tátti ómir súrýdiń qupıasyn suradyq.
– Bar qupıasy – úlkenderdi tyńdaýda, úlkenderdi syılaýda. Biz atań ekeýmiz qur­daspyz. Bizdi bala kúnimizde analarymyz qudaǵı bolamyz dep syrttan qosqan eken. 18 jasqa kelgen soń úılendik. Sodan jaman bolǵan joqpyz. Búgin baqyttan tóbem kókke bir eli jetpeı tur, shyraǵym. 
– Kólikti bolyp jatyrsyzdar, qutty bolsyn! Endi ol avtobýsty kim júr­gizedi?
– Mashınany atań júrgizedi de, men al­dynda otyramyn (kúlip aldy). Atań áli ju­mys isteıdi ǵoı. Kólikti de júrgize beredi. 
– Jastarǵa qandaı aqyl-keńes aıta­-syz?
– Aqyldan buryn tilek aıtaıyn, bizdiń baqytymyzdy senderge bersin. Elbasyǵa raqmet aıtamyn, sony jazyp qoı, jaraı ma? Jastar úlkenderdi tyńdasyn, ózderi qosylyp alyp, azdan soń aıyrylysyp ke­tetinder bar, ondaıdy qoıý kerek. Odan da úlkenderdi tyńdasyn, odan jaman bol­maıdy, mine biz jaman bolǵan joqpyz, ózim de kelinimdi de aıttyryp alǵanmyn, – dedi ájeı aǵynan jarylyp...