– Biz arqany keńge salmaı, barlyq salada temirdeı tártipti saqtaýymyz kerek. Elge qater tónse, kez-kelgen sátte toıtarys berýge daıyn bolýymyz qajet. Týǵan jerdiń shebin kúzetip, tutastyqty saqtaý – ár azamattyń mindeti. Muny jete túsinýge tıispiz. Elimizdiń qaýipsizdigin qamtamasyz etý – qasıetti borysh, joǵary jaýapkershilik. Sizder osy jaýapkershilikti tereń sezinip, eldigimizdiń tuǵyryn nyǵaıtýǵa zor úles qosyp júrsizder. Otanymyzdy qorǵaý úshin kúndiz-túni qyzmet etip kelesizder. Jas sarbazdar, eń aldymen, sizderge qarap boı túzeıdi, úlgi-ónege tutady. Sondyqtan, general degen aıbyndy atqa daq túsirmeı, ofıserdiń ar-namysyn bıik ustaý asa mańyzdy, – dedi prezıdent.
Qasym-Jomart Toqaev el táýelsizdigin, beıbitshilik pen kelisimdi saqtaý úshin eldiń qorǵanys áleýetin dáıekti túrde nyǵaıtyp, búkil kúshtik qurylymdardyń qyzmetin jetildir baǵytynda jumys jalǵasatynyn aıtty.
– Ulttyq múddemiz ben qoǵamdaǵy turaqtylyqty qorǵaıtyn barlyq azamatty áleýmettik turǵyda keshendi qoldaý qashan da memlekettik saıasattyń basym baǵyty bolyp qala beredi. Kúshtik qurylymdardyń tıimdiligi, eń aldymen, basshylyqtyń, ıaǵnı, generaldardyń kásibıligine negizdelgen. Adamdardyń ómiri men taǵdyry, qoǵamdyq tártip, eldiń ıgiligi men turaqty damýy sizderdiń kásibı sheberlikterińizge baılanysty, – dedi ol.
Pikir qaldyrý