Almaty qalasy Qazaqstan halqy Assambleıasy fılıalynyń qoldaýymen QR İİM QAJK LA-155/4 mekemesi janyndaǵy balalar úıi úshin "Balalardyń bóteni joq" atty qaıyrymdylyq aksıasy ótkizildi. Sondaı-aq, ONK músheleri kámeletke tolmaǵan qyzdarǵa arnalǵan ýchaskege bardy. 

Atalǵan aksıa "Ahyska" túrik etnomádenı birlestiginiń, "Ildash" tatar mádenı ortalyǵynyń, ózbek mádenı ortalyǵynyń, Qazaqstannyń uıǵyrlarynyń respýblıkalyq etnomádenı ortalyǵynyń, Knáz Ibragımuly Mırzoev qaıyrymdylyq qorynyń, sondaı-aq "Assambleıa jastary" RQB qoldaýymen ótti.

Aksıa aıasynda uıymdastyrýshylar balalarǵa arnalǵan jıhazdaryn, matrastardy, jastyqtardy, balalar kıimderin, kilemshelerdi, sondaı-aq tamaqty syıǵa tartty. Sondaı-aq kámeletke tolmaǵandarǵa arnalǵan ýchaskege bilim berý oıyndary, keńse taýarlary men kitaptar ákelindi.

Aksıa sońynda Almaty qalasy QHA fılıaly músheleri mekeme basshyly balalardyń ómir súrý sapasyn jaqsartýdyń joldary men balalar úıindegi máselelerdiń sheshimin talqylady. 

"Balalardyń bóteni joq"  –  Almaty qalasy Qazaqstan halqy Assambleıasy fılıalynyń urany. Biz birneshe jyldan beri muqtaj jandarǵa kómek qolyn sozyp, birigip jumys istep kelemiz", - dep atap ótti Almaty qalasy QHA fılıaly tóraǵasynyń orynbasary Nıazova Nurıa Ismagılovna.