Almaty oblysynyń ákimi Marat Sultanǵazıev pen «OCEANMAN KAZAKHSTAN» franshızasynyń ıesi Eraly Oralov Qapshaǵaı sý qoımasynda ashyq sýda ekinshi júzýdi ótkizý týraly Memorandýmǵa qol qoıdy, dep habarlady óńirdiń baspasóz qyzmeti.
Qujatqa qol qoıý rásimi barysynda oblys ákimi Marat Sultanǵazıev bıylǵy jyly ótken is-sharanyń alǵashqy bastaýy qazaqstandyqtar men jaqyn jáne alys shetelderden kelgen sportshylardyń úlken qyzyǵýshylyǵyn bildirgenin atap ótti.
«Oceanman KAZAKHSTAN-nyń» alǵashqy starty júzý maýsymynyń basty oqıǵasy boldy. Eki kún boıy oblys ortalyǵy Qonaev óz kúshteri men múmkindikterin teksergen sportshylardyń shoǵyrlanǵan ortalyǵyna aınaldy», - dep atap ótti oblys basshysy.
Óz kezeginde franshıza ıesi Eraly Oralov kelesi maýsymda qatysýshylar sany tórt deńgeı boıynsha 1800 qatysýshyǵa deıin artatynyn málimdedi.
«Biz qazaqstandyqtardyń osyndaı halyqaralyq deńgeıdegi sporttyq is-sharalarǵa naqty suranysy óte joǵary ekenin kórdik. Tirkeý aıaqtalǵannan keıin bizdiń alǵashqy saıysymyzǵa qatysýǵa nıet bildirýshiler biz oılaǵannan áldeqaıda kóp ekeni belgili boldy. Sondyqtan «OCEANMAN KAZAKHSTAN» jobasy ekinshi ret ótetin jarysynda tirkeýden ótkenge 1800 oryn bolady », - dep túsindirdi E.Oralov.
«OCEANMAN KAZAKHSTAN» ashyq sýda júzý saıysy ekinshi ret 2023 jylǵy 1-2 shildede Qapshaǵaı sý qoımasynda ótedi. Uıymdastyrýshylar bastapqy qashyqtyǵyn ózgertpeýge sheshim qabyldady. HALF OCEANMAN (5 km) jáne SPRINT (1,5 km) úshin 600 oryn, al tolyq OCEANMAN (10 km) jáne balalar «OCEANKIDS» (800 m) júzý úshin 300 oryn qarastyrylǵan.
2022 jyldyń shildesinde ótken OCEANMAN KAZAKHSTAN birinshi starty otandyq júzý maýsymynyń basty oqıǵalarynyń birine aınalǵanyn esterińizge salamyz. Oǵan álemniń túkpir-túkpirinen kelgen sportshylar men áýesqoılar qyzyǵýshylyq tanytty: tórt qashyqtyqqa júzýge 7 elden 1200 qatysýshy tirkeldi. Jarys bastalǵan kúni Qapshaǵaı sý qoımasynda júzýshiler men jankúıerlerdi qosqanda 3 myńnan astam adam boldy.
Burynǵydaı «OCEANMAN KAZAKHSTAN» Qazaqstan Respýblıkasy Mádenıet jáne sport mınıstrligi, «Kazakh Tourism» Ulttyq kompanıasy, Almaty oblysy ákimdiginiń qoldaýymen uıymdastyrylady. Bas seriktes – «Samuryq-Qazyna» ulttyq ál-aýqat qory» AQ jáne «Sport Qory» týrızm jáne sport salasyn qoldaý qory. Al «Freedom Holding Corp» ınvestısıalyq toby bas demeýshi.
Pikir qaldyrý