Burynǵy densaýlyq saqtaý mınıstri Eljan Birtanov 5 jylǵa bostandyǵyn shekteý jazasyna kesildi.

Ol "qyzmettik ókiletin asyra paıdalandy" aıyby boıynsha kináli dep tanyldy. Sondaı-aq oǵan berilgen "Qurmet" ordeni qaıtyp alynady.

Birtanov mınıstrlikti 2017-2020 jyldar aralyǵynda basqarǵan. Oǵan densaýlyq saqtaý salasyndaǵy aqparattyq júıeni jasaýǵa baılanysty oryndalmaǵan jumys úshin aktke jumys tolyq kólemde oryndaldy dep qol qoıýǵa tapsyrma berdi degen aıyp taǵylǵan. Sanavıasıany jeke maqsatyna qoldandy degen aıyp teriske shyǵaryldy.

Prokýror ony 6 aıǵa qamaýdy suraǵan, alaıda sot Birtanovty qamamaı, tek bostandyǵyn shekteý týraly úkim shyǵardy.

Al eks mınıstr sot sheshimimen kelispeıtinin, appelásıalyq shaǵym túsiretinin aıtty. 

"Biz sot sheshimimen kelispeımiz. Ár azamattyń óz quqyǵy bar. Qorǵaýshylarmen aqyldasyp, sóılesemiz", dedi Erjan Birtanov.