Úkimet otyrysynda Bilim berýdi damytýdyń 2022-2026 jyldarǵa arnalǵan tujyrymdamasy bekitildi.

Oqý-aǵartý mınıstri Asqat Aımaǵambetovtyń aıtýynsha, jekelegen pánder boıynsha mektep baǵdarlamalary jetildiriledi. Oqý prosesin sıfrlandyrý sheńberinde birqatar jobalar iske asyrylyp, shaǵyn komplektili mektepterde jekelegen pánderdi onlaın oqytý jáne derbes sıfrlyq oqýlyqtar (mobıldi qosymsha) ázirleý josparlanǵan.

Sıfrlandyrý aıasynda atestat pen dıplomdardy QR-kodpen markerlep sıfrlyq formatta berý kózdelip otyr. Ár oqýshynyń sıfrlyq profıli bolady. Balabaqsha úshin kezektiń biryńǵaı, ortalyqtandyrylǵan kezegi engiziledi.

Jıynda 2025 jylǵa qaraı jańa qurylys standarttary boıynsha jalpy sany 840 myń orynǵa arnalǵan mektepter salý josparlanyp otyrǵany aıtyldy.

Premer-mınıstr Álıhan Smaılovtyń aıtýynsha, jastardy kásipkerlik daǵdylaryna oqytý úshin kolejder, onyń ishinde aýyldyq kolejder janynan shaǵyn ınovasıalyq kásiporyndar qurylatyn bolady.

– Bul – kolej túlekteriniń 75%-yn oqý bitirgennen keıin birden jumysqa ornalastyrýǵa múmkindik beredi. Sondaı-aq jetekshi joǵary oqý oryndaryn zertteý ýnıversıtetterine transformasıalaý júrýde, sondaı-aq bedeldi sheteldik ýnıversıtetter fılıaldarynyń sany da artady. 2026 jylǵa qaraı bakalavrlar stıpendıasynyń mólsheri 2 esege, magıstranttar men doktoranttardyń stıpendıasy 1,5 esege artady, – dedi ol.