Keshe prezıdent qol qoıǵan "Raqymshylyq jasaý týraly" zańǵa saı sottalǵandardan merziminen buryn bosaýy úshin kinásin moıyndaý talap etilmeıdi. Bul týraly adam quqyǵy jónindegi ombýdsmen Elvıra Ázimova málim etti.

Al bas prokýrordyń orynbasary Áset Shyndalıev zań kúshinen engenin, aýyrlyǵy jeńil jáne ortasha qylmystar úshin sottalǵandar bosatylatynyn jetkizdi.

Áset Shyndalıevtiń sózinshe, tergelip jatqan azamattar bosatýǵa ótinish bere alady. 

İsti bolǵandar qashan bostandyqqa shyǵatyny ázirge belgisiz.

Buǵan deıin raqymshylyqtyń basty sharttarynyń biri aıypker kinásin moıyndap, istegen isine ókinýge tıis ekeni aıtylǵan. 

Amnıstıa lańkestik jasady dep aıyptalǵandarǵa, ekstremıst dep tanylǵandarǵa, jemqorlyq qylmystaryn, otanǵa opasyzdyq jasaǵandarǵa, jappaı tártipsizdik uıymdastyrǵandarǵa, azaptaýshylarǵa, kámilet jasyna tolmaǵandardyń jynystyq qolsuǵylmaýshylyǵyna qarsy qylmys jasaǵandarǵa qoldanylmaıdy.