Bas prokýrordyń orynbasary Áset Shyndalıev BUU-nyń Kárim Másimov jóninde jasaǵan resmı málimdemesine qatysty pikir bildirdi. Buǵan deıin BUU Kárim Másimovtyń eshqandaı sebepsiz ustalǵanyn habarlaǵan edi. 

"Biz Qazaqstan úkimetin Kárim Másimovti negizsiz ustaýǵa qatysty isterdi táýelsiz tergeýshiler júrgizýin qamtamasyz etýge jáne onyń quqyqtaryn buzǵan jaýaptylarǵa tıisti shara qoldanýǵa shaqyramyz", delingen BUU habarlamasynda. 

Áset Shyndalıev atalǵan habarlamany áleýmettik jeliden kórgenin aıtty. 

"Ol habarlamany óz basym jelilerden kórdim. Biraq mundaı usynystaryn (BUU-nyń – avt.) áli kórgen joqpyn. Bas prokýratýraǵa resmı túrde túsken kezde ol boıynsha jumys jasalady. Nátıjesinde sheshim qabyldanady", dedi Áset Shyndalıev.