Bir jylda qoldanystaǵy páter baǵasy 27,1 paıyzǵa, jańa páter baǵasy 16,6 paıyzǵa qymbattaǵan. Abattandyrylǵan turǵyn úıdi jalǵa alý tólemi ótken jylǵy qazanmen salystyrǵanda 54,2%-ǵa ósken. Mundaı derekterdi statısıka búrosy habarlady.

Óńirler boıynsha keler bolsaq, jańa salynǵan úıler Aqtóbe qalasynda 30,3%-ǵa, Óskemende 26,3%-ǵa, Qostanaıda 25,4%-ǵa qymbattady.

Qoldanystaǵy páterler naryǵynda baǵa ósimi Taldyqorǵan (44,6%), Semeı (44%), Aqtaý (43,3%), Aqtóbe (42,4%) qalalarynda qatty baıqaldy.

Al turǵyn úıdi jalǵa alý naryǵynda byltyrǵy qazanǵa qaraǵanda baǵa Almaty  (89,7%), Qaraǵandy (64,2%), Qostanaı (58,5%) qalalarynda aıtarlyqtar kóterilgen.

Qazan aıyndaǵy kórsetkishke saı, jańa páterlerdiń ortasha sharshy metri 430 myń 669 teńgeden satylsa, qoldanystaǵy páterlersharshy metri 484 myń 918 teńgeden saýdalanǵan. Abattandyrylǵan páterdiń jaldaý bir sharshy metr úshin 4870 teńgege teń.