Almaty qalasyndaǵy Tóle bı kóshesi men Abylaı han dańǵylynyń qıylysynda eki avtobýs soqtyǵysyp, 1 adam qaza tapty, dep habarlady polısıa departamenti.
"Almaty qalalyq Polısıa departamenti 98 jáne 201-baǵyttaǵy eki qoǵamdyq kóliktiń soqtyǵysýy saldarynan bir adam qaza taýyp, aldyn ala málimet boıynsha 17 adam zardap shekkenin habarlaıdy", - delingen habarladama.
Bir adam jedel járdem jetkenge deıin oqıǵa ornynda qaza tapqan. Atalǵan derek QR QK-niń 345-baby 3-bóligi boıynsha sotqa deıingi tergeýdiń biryńǵaı tizilimine tirkelgen. Saraptamalar taǵaıyndalyp jatyr.
Pikir qaldyrý