Sybaılas jemqorlyqqa qarsy qyzmet Indýstrıa jáne ınfraqurylymdyq damý mınıstrliginiń laýazymdy tulǵalaryna qatysty sotaldy tergep-tekserý bastaǵanyn habarlady.

"Mınıstrliktiń laýazymdy adamdary jekelegen kásipkerlik sýbektileriniń múddesine saı áreket etip, barlaý syltaýymen aýksıon ótkizbesten paıdaly qatty qazbalar qory belgilengen ken oryndaryn zańsyz bergen. Buryn júrgizilgen barlaý deregi qujattardy burmalaý arqyly ádeıi jasyrylǵan. Nátıjesinde laýazymdy tulǵalarmen úlestes kásipkerler qol qoıý bonýsynyń eń tómengi quny úshin naryqqa qatysýshylardyń básekelestik, qoljetimdilik jáne teń quqyqtylyq qaǵıdattaryn buzyp, óndirýge daıyn ken oryndaryn alǵan. Ken oryndaryn satý boıynsha aýksıondar ótkizilmegendikten, memleket ondaǵan mıllıard teńge almaǵan", delingen habarlamada. .

Antıkor 7 qarashada laýazymdyq ókiletin asyra paıdalandy degen kúdik boıynsha burynǵy Indýstrıa jáne ınfraqurylymdyq damý vıse-mınıstri Tımýr Toqtabaev ustalǵanyn málim etti.

"Tergeý sot sanksıasymen Tımýr Toqtabaevtyń jáne onyń jaqyn týystarynyń (elıtalyq jeke úıler, jer ýchaskeleri, Cadillac Escalade markaly avtokólikteri, Mercedes-Benz Maybach S580 4 Matic, eki BMW X5 Xdrive40I, Bentley Bentayga V8) qymbat jyljymaly jáne jyljymaıtyn múlki anyqtaldy jáne buǵattaldy", - dep habarlady  vedomstvonyń baspasóz qyzmeti.