UQK eks-tóraǵasy Kárim Másimov alqabıler sotyna júgine almaıdy. Bul týraly Joǵarǵy sot qylmystyq ister jónindegi sot alqasynyń tóraǵasy Ábdiráshıt Júkenov málimdedi. 

Onyń aıtýynsha, bul istiń jaı-japsary parlament sheshim shyǵarǵan jaǵdaıda ǵana qupıadan shyǵarylady.

– Bul zańmen rettelýi kerek. Zań boıynsha jumys isteımiz, zań ózgerse, negiz bolady. Kez kelgen memlekette ulttyq qaýipsizdikti qorǵaý bar jáne memleket keıbir aqparatty qupıalaýǵa quqyly. Endi bul ister qupıa jáne qupıa bolyp qala bermek. Siz biraz aqparat alasyz dep oılaımyn. Óıtkeni memleket qoljetimdilikti qamtamasyz etýi kerek, – dedi Qylmystyq ister jónindegi sot alqasynyń tóraǵasy Júkenov.

Buǵan deıin Bas prokýratýra Ulttyq qaýipsizdik komıtetiniń burynǵy basshysyna qatysty qylmystyq isti zertteý nátıjesi boıynsha tekserý organynyń aıyptaý aktisin bekitken bolatyn. Qylmystyq is Astana qalasynyń qylmystyq ister jónindegi mamandandyrylǵan aýdanaralyq sotyna qaraýǵa jiberilgen.