Túrkıa İshki ister mınıstri Súleıman Soılý Stambýldyń Beıoglý aýdany Istıklál kóshesindegi jarylysqa qatysy bolýy múmkin degen kúdikpen taǵy 21 adam ustalǵanyn habarlady.

"Bizdiń baǵalaýymyzsha, buıryq Kobanıden (Sırıa qalasy) túsken. Al oryndaýshy Afrınnan (Sırıa qalasy) kelgen" degen Soılý sózderin Anadolu agenttigi keltirgen.

Ol istiń izi Sırıaǵa kelip tireletin aıǵaqtar bar dep otyr. Aıtýynsha, aıǵaqtar jarylysty PYD uıymy uıymdastyrǵanyna meńzeıdi.

Keshe Stambýldyń týrıser kóp júretin Istıklál kóshesinde jarylys bolyp, 6 adam qaza tapqan. 81 adam jaralanǵan.

Túrkıa densaýlyq saqtaý mınıstrliginiń málimetinshe, 81 adamnyń 39-y úıine shyǵarylǵanyn, 5 adam jansaqtaý bóliminde jatyr, onyń ekeýiniń jaǵdaıy aýyr.